Katrien Verfaillie zingt in en over Reningelst

Lieve menschen,

Jet misschien ol hoort mo de West-Vlamsche zangeresse Katrien Verfaillie trekt vandejoare van dorp toet dorp, van KRAK toet KRAK. En oal de dorpen woar da ze komt, voegt ze é strofe toe a neur lied. Om ézo toet “Het Langste Lied” te kommen. Dat bringt neur op 25 mei 2024 oek na de Poperingsche deelgemeente Rinnegelst. Ze doet dadde op visitte van neuzen KRAK Elke Lamerant..

Zie hidder oek curieus wuk da ze go zingen over nus ‘Dorp in Versnelling tusschen Hoppe- en Heuvelland? Kom toe mo af na de Weij bi boer Jos & Monieksche, schoonste stiksche groen midden in de platse. De poorte in den Disbos got open om 15h en Katrien begunt om 15h30. Achternoar komt er no é optreden van neuze lokale nachtegoalen: Mieke én Trees.

Wu gaan der oek vo zornen da junder gin dust en oenger moe lie en vo de joungste is er oek etwodde voerzien.

Wu vroagen 5 euro vo binnen te kommen, vo meer enformosche ku je olsan bellen na de moedr va Elke Lamerant (0477 17 97 59).